Sunday November 18th, 2018 - 1:36:pm
topbanner

പത്തനംതിട്ടയില്‍ ബിജെപി ആഹ്വാനം ചെയ്ത ഹര്‍ത്താല്‍ തുടങ്ങി

JB
പത്തനംതിട്ടയില്‍ ബിജെപി ആഹ്വാനം ചെയ്ത ഹര്‍ത്താല്‍ തുടങ്ങി

പത്തനംതിട്ട: നിലയ്ക്കലില്‍ അയ്യപ്പഭക്തനെ മരിച്ച നിലയില്‍ കണ്ടെത്തിയ സംഭവത്തില്‍ ദുരൂഹത ആരോപിച്ച് പത്തനംതിട്ട ജില്ലയില്‍ ബിജെപി ആഹ്വാനം ചെയ്ത ഹര്‍ത്താല്‍ തുടങ്ങി. ഇന്ന് രാവിലെ ആറു മുതല്‍ വൈകിട്ട് ആറുവരെ പ്രഖ്യാപിച്ചിരിക്കുന്ന ഹര്‍ത്താലിന് ഹിന്ദു ഐക്യവേദിയും ശബരിമല കര്‍മസമിതിയും പിന്തുണ പ്രഖ്യാപിച്ചിട്ടുണ്ട്.

തുലാമാസപൂജയ്ക്ക് ശബരിമല ദര്‍ശനത്തിനെത്തിയ ശേഷമാണ് പന്തളം മുളമ്പുഴ സ്വദേശിയായ ശരത് ഭവനില്‍ ശിവദാസനെ(60) കാണാതായത്. തുടര്‍ന്ന് പ്ലാപ്പള്ളി കമ്പകത്തുംവളവിനു സമീപം ഇദ്ദേഹത്തെ വനത്തില്‍ മരിച്ച നിലയില്‍ കണ്ടെത്തുകയായിരുന്നു. എന്നാല്‍ ഇത് വാഹനാപകടമാണെന്ന് പോലീസ് വിശദീകരിച്ചു. എന്നാല്‍ ശബരിമല യുവതീപ്രവേശനവുമായി ബന്ധപ്പെട്ട പ്രതിഷേധത്തിനെതിരെ നടത്തിയ പോലീസ് നടപടിയില്‍ ശിവദാസന്‍ കൊല്ലപ്പെട്ടതാണെന്നാണ് ബിജെപിയുടെ ആരോപണം.

അതേസമയം, ബിജെപിയുടെ ആരോപണങ്ങളിലെ പൊരുത്തക്കേടുകള്‍ ശരിവെക്കുന്നതാണ് പോലീസ് വാദം. 16. 17 തീയതികളിലാണ് യുവതീപ്രവേശനവുമായി ബന്ധപ്പെട്ട് പോലീസ് നടപടിയുണ്ടായത്. എന്നാല്‍ ശിവദാസന്‍ വീട്ടില്‍ നിന്ന് തിരിച്ചതുതന്നെ 18നാണ്. 19-ാം തീയതി ഇയാള്‍ ദര്‍ശനം കഴിഞ്ഞ് ഇറങ്ങിയ വിവരം ഫോണില്‍ വീട്ടില്‍ അറിയിച്ചിട്ടുണ്ടെന്നും അതിനു ശേഷമാണ് ഇയാളെ കാണാതായതെന്നും പോലീസ് പറഞ്ഞു. 25നാണ് ശിവദാസനെ കാണാതായെന്ന പരാതി ലഭിക്കുന്നത്. മൃതദേഹം കണ്ടെത്തിയതാകട്ടെ ലാത്തിച്ചാര്‍ജ് നടന്ന നിലയ്ക്കലില്‍ നിന്ന് മാറി ളാഹയിലുമാണ്. തെറ്റിദ്ധരിപ്പിക്കുന്ന ആരോപണങ്ങള്‍ ഉന്നയിക്കുന്നവര്‍ക്കെതിരയെും പ്രചരിപ്പിക്കുന്നവര്‍ക്കെതിരെയും ശക്തമായ നടപടിയെടുക്കുമെന്ന് ജില്ലാ പോലീസ് മേധാവി ടി നാരായണന്‍ മുന്നറിയിപ്പ് നല്‍കിയിട്ടുണ്ട്.

18ന് രാവിലെ വീട്ടില്‍ നിന്ന് ഇരുചക്രവാഹനത്തില്‍ പുറപ്പെട്ട ശിവദാസന്‍ വീട്ടില്‍ തിരിച്ചെത്താത്തതിനെത്തുടര്‍ന്ന് ബന്ധുക്കള്‍ 21ന് പമ്പ, നിലയ്ക്കല്‍, പെരുനാട് പോലീസ് സ്റ്റേഷനുകളിലും 24ന് പന്തളം സ്റ്റേഷനിലും പരാതി നല്‍കുകയായിരുന്നു. തുടര്‍ന്ന് ബന്ധുക്കള്‍ നടത്തിയ തിരച്ചിലിലാണ് മൃതദേഹം വനത്തില്‍ നിന്ന് കണ്ടെത്തിയത്. യുവതീപ്രവേശനത്തിനെതിരെ പന്തളത്ത് നടത്തിയ നാമജപഘോഷയാത്രയില്‍ ശിവദാസന്‍ പങ്കെടുത്തിരുന്നു.

18ന് രാവിലെ വീട്ടില്‍ നിന്ന് ഇരുചക്രവാഹനത്തില്‍ പുറപ്പെട്ട ശിവദാസന്‍ വീട്ടില്‍ തിരിച്ചെത്താത്തതിനെത്തുടര്‍ന്ന് ബന്ധുക്കള്‍ 21ന് പമ്പ, നിലയ്ക്കല്‍, പെരുനാട് പോലീസ് സ്റ്റേഷനുകളിലും 24ന് പന്തളം സ്റ്റേഷനിലും പരാതി നല്‍കുകയായിരുന്നു. തുടര്‍ന്ന് ബന്ധുക്കള്‍ നടത്തിയ തിരച്ചിലിലാണ് മൃതദേഹം വനത്തില്‍ നിന്ന് കണ്ടെത്തിയത്. യുവതീപ്രവേശനത്തിനെതിരെ പന്തളത്ത് നടത്തിയ നാമജപഘോഷയാത്രയില്‍ ശിവദാസന്‍ പങ്കെടുത്തിരുന്നു.

എന്നാല്‍ നിരപരാധിയായ ശിവദാസനെ പിണറായി വിജയന്റെ പോലീസ് ആക്രമിക്കുകയും അടിച്ചുകൊല്ലുകയുമായിരുന്നുവെന്നാണ് ബിജെപി അധ്യക്ഷന്‍ പിഎസ് ശ്രീധരന്‍ പിള്ളയുടെ വാദം. ശിവദാസനെ കാണാതായതുമുതല്‍ കേസ് ജുഡീഷ്യല്‍ അന്വേഷണത്തിന് വിടണമെന്നും ഉത്തരവാദികളായ പോലീസുകാര്‍ക്കെതിരെ കൊലക്കുറ്റത്തിന് കേസെടുക്കണമെന്നും ബിജെപി ആവശ്യപ്പെട്ടിരുന്നു. സംഭവത്തില്‍ ഉത്തരവാദിത്തം ഏറ്റെടുത്ത് മുഖ്യമന്ത്രി പിണറായി വിജയന്‍ ആഭ്യന്തരവകുപ്പ് ഒഴിയണമെന്നും ശ്രീധരന്‍ പിള്ള ആവശ്യപ്പെട്ടിട്ടുണ്ട്.

 

Read more topics: bjp, harthal, in pathanamthitta,
English summary
bjp harthal in pathanamthitta
topbanner

More News from this section

Subscribe by Email