Sunday August 18th, 2019 - 10:57:pm
topbanner
topbanner

വിദേശ മദ്യശാലയ്ക്ക് തീപിടിച്ചു; 'ജവാനെ' രക്ഷിക്കാന്‍ നാട്ടുകാര്‍ ഒത്തുകൂടി

JB
വിദേശ മദ്യശാലയ്ക്ക് തീപിടിച്ചു; 'ജവാനെ' രക്ഷിക്കാന്‍ നാട്ടുകാര്‍ ഒത്തുകൂടി

കോട്ടയം: കുടിയന്‍മാര്‍ എന്നു പറഞ്ഞ് പച്ഛിച്ച് തള്ളുന്നവര്‍ക്ക് മാതൃകയായി ഒരു കൂട്ടം ആളുകള്‍. ചങ്ങനാശ്ശേരിക്കടുത്ത കറുകച്ചാല്‍ വിദേശ മദ്യ ഷോപ്പിലുണ്ടായ തീ പിടുത്തം ഒഴിവായത് മദ്യം വാങ്ങാന്‍ വരി നിന്നവരുടെ സമയോചിതമായ ഇടപെടലിനെ തുടര്‍ന്ന്.

ഇന്നലെ വൈകുന്നേരമായിരുന്നു സംഭവം. അഞ്ചര മണിയോടെ കറുകച്ചാല്‍ വിദേശ മദ്യ ഷോപ്പില്‍ കറണ്ട് പോയിരുന്നു. ഇതോടെ ജനറേറ്ററിലായിരുന്നു മദ്യ ഷോപ്പിന്റെ പ്രവര്‍ത്തനം. ഏകദേശം അരമണിക്കൂര്‍ പ്രവര്‍ത്തിച്ചു കഴിഞ്ഞപ്പോള്‍ ജനറേറ്ററിന് തീ പിടിക്കുകയായിരുന്നു. വലിയ ശബ്ദത്തോടെ ജനറേറ്റര്‍ കത്തിതുടങ്ങുകയായിരുന്നു.

ജവാന്‍ മദ്യം സൂക്ഷിച്ചിരുന്നതിനടുത്തായിരുന്നു ജനറേറ്റര്‍ സ്ഥാപിച്ചിരുന്നത്. ജനറേറ്റര്‍ കത്തിതുടങ്ങിയപ്പോള്‍ തന്നെ വരി നിന്നവരും ജീവനക്കാരും ചേര്‍ന്ന് തീയണക്കാന്‍ പരിശ്രമിച്ചു. ‘ജവാനെ’ രക്ഷിക്കാനായി നൂറുകണക്കിന് നാട്ടുകാരും രക്ഷാപ്രവര്‍ത്തനത്തിന് ഓടിയെത്തി. ഓടിയെത്തിയവര്‍ക്ക് ആദ്യം അറിയേണ്ടിയിരുന്നത് ജവാന്‍ മദ്യക്കുപ്പികള്‍ക്ക് വല്ലതും പറ്റിയോ എന്നായിരിന്നു.

ഓടിക്കൂടിയവര്‍ മദ്യശാലയ്ക്ക് സമീപത്തുണ്ടായിരുന്ന കിണറ്റില്‍ നിന്ന് വെള്ളംകോരി ബക്കറ്റിലും കാലി കുപ്പിയിലുമൊക്കെയാണ് വെള്ളം എത്തിച്ചത്. ഏവരുടെയും ഒരേമനസ്സോടെയുള്ള പ്രവര്‍ത്തനമാണ് ഒരു ദുരന്തം ഒഴിവാക്കാന്‍ സഹായിച്ചത്. രണ്ട് മുറികളിലായി വില്‍പനയ്ക്കുള്ള മദ്യം ഇവിടെ സൂക്ഷിച്ചിരുന്നു. ജനറേറ്റര്‍ സമയത്ത് അണയ്ക്കാന്‍ സാധിച്ചില്ലായിരുന്നെങ്കില്‍ വന്‍ ദുരന്തമാകുമായിരുന്നെന്ന് ഫയര്‍ ഫോഴ്സ് ഉദ്യോഗസ്ഥര്‍ പറഞ്ഞു.

Read more topics: bevoco, fired in kottayam,
English summary
bevoco fired in kottayam
topbanner

More News from this section

Subscribe by Email