Friday December 14th, 2018 - 10:39:pm
topbanner

കന്യാസ്ത്രീകള്‍ നടത്തിയ സമരം വിജയിച്ചു; പ്രതി നിയമത്തിന്റെ പഴുതുകളിലൂടെ രക്ഷപെടാതെ നോക്കേണ്ടത് അന്വേഷണ സംഘത്തിന്റെ കടമയെന്ന് വി എസ്

JB
കന്യാസ്ത്രീകള്‍ നടത്തിയ സമരം വിജയിച്ചു; പ്രതി നിയമത്തിന്റെ പഴുതുകളിലൂടെ രക്ഷപെടാതെ നോക്കേണ്ടത് അന്വേഷണ സംഘത്തിന്റെ കടമയെന്ന് വി എസ്

തിരുവനന്തപുരം: ജലന്ധര്‍ രൂപത മുന്‍ ബിഷപ്പ് ഫ്രാങ്കോ മുളയ്ക്കലിനെ അറസ്റ്റ് ചെയ്യാന്‍ കന്യാസ്ത്രീകള്‍ നടത്തിയ സമരം വിജയിച്ചുവെന്ന് വിഎസ് അച്യുതാനന്ദന്‍. പ്രതി അറസ്റ്റിലായതോടെ സമരത്തിന്റെ ഈ ഘട്ടം അവസാനിക്കുമെന്ന് പ്രതീക്ഷിക്കുന്നതായും വിഎസ് പറഞ്ഞു.

പ്രതി നിയമത്തിന്റെ പഴുതുകളിലൂടെ രക്ഷപെടാതെ നോക്കേണ്ടത് അന്വേഷണ സംഘത്തിന്റെ കടമയാണ്. പ്രോസിക്യൂഷനും അന്വേഷണ സംഘവും ഈ കടമ വേണ്ട രീതിയില്‍ നിര്‍വഹിക്കുമെന്നാണ് താന്‍ കരുതുന്നതെന്നും വിഎസ് അറിയിച്ചു.

മൂന്ന് ദിവസം നീണ്ട് നിന്ന ചോദ്യം ചെയ്യലിന് ശേഷമാണ് ഫ്രാങ്കോ മുളയ്ക്കലിനെ അറസ്റ്റ് ചെയ്തത്. കന്യാസ്ത്രീമാരുടെ കണ്ണീരിന്റെ വിജയമാണിതെന്നും അറസ്റ്റില്‍ സന്തോഷമുണ്ടെന്നും സമരസമിതി പറഞ്ഞു. കേരള സമൂഹം ഒന്നാകെ ഏറ്റെടുത്ത സമരമായിരുന്നു ഇത്. അറസ്റ്റ് മാത്രമേ നടന്നിട്ടുള്ളൂ. കന്യാസ്ത്രീകള്‍ക്ക് നീതി ലഭിക്കുന്നത് വരെ സമരം തുടരുമെന്നും സമരസമിതി അറിയിച്ചു. പിന്തുണച്ച എല്ലാവര്‍ക്കും നന്ദി പറയുന്നുവെന്ന് സിസ്റ്റര്‍ അനുപമ പറഞ്ഞു.

 

English summary
vs achuthanathan appriciate nuns protest
topbanner

More News from this section

Subscribe by Email