Monday November 19th, 2018 - 4:56:am
topbanner

അനുഖ്യാതിക്ക് 25 വയസ്സ്: ആരാണ് അനുഖ്യാതി.....?

NewsDesk
അനുഖ്യാതിക്ക് 25 വയസ്സ്: ആരാണ് അനുഖ്യാതി.....?

പേരാമ്പ്ര: അനുഖ്യാതിക്ക് 25 വയസ്സ് .ആരാണ് അനുഖ്യാതി. ആലോചിച്ച് തല പുണ്ണാക്കണ്ട അനൗൺസ്മെൻറ് എന്നതിന്റെന്റെ മലയാളം വാക്കാണത്. സ്കൂൾ കലോത്സവങ്ങളുടെ ഈ കാലത്ത് ഈ വാക്കിനെ വളരെ പ്രസക്തിയുണ്ട്.

സാധാരണ സ്കൂൾ കലോത്സവങ്ങളിൽ നാം കേൾക്കുന്നത് മലയാളവും ഇംഗ്ലീഷും കൂട്ടിക്കുഴച്ചുള്ള മംഗ്ലീഷ് അനൗൺസ്മെന്റ് ആണല്ലോ. എന്നാൽ ഇവിടെ ഇതാ ഒരു അധ്യാപകൻ മലയാളം വാക്കുകൾ മാത്രം ഉപയോഗിച്ചുകൊണ്ട് അനുഖ്യാതി നടത്തുന്നു.

വടകര തിരുവള്ളൂർ ശാന്തിനികേതൻ ഹയർ സെക്കൻഡറി സ്കൂളിലെ ഇംഗ്ലീഷ് അധ്യാപകനായ വടയക്കണ്ടി നാരായണനാണ് കഴിഞ്ഞ 25 വർഷമായി സംസ്ഥാന കലോൽസവം ഉൾപ്പെടെ ഉള്ള കലോത്സവങ്ങളിൽ മലയാളം വാക്കുകൾ മാത്രം ഉപയോഗിച്ചു കൊണ്ടുള്ള അനുഖ്യാതി നടത്തുന്നത്. "ക്ലസ്റ്റർ ഒന്നിലെ മേക്കപ്പ് പൂർത്തിയാക്കിയ പാർട്ടിസിപ്പന്റ് സ്റ്റേജ് ഒന്നിന് പിന്നിൽ റിപ്പോർട്ട് ചെയ്യണം" സാധാരണ കേൾക്കുന്ന അനോൻസ്മെന്റ് ആണിത്.

എന്നാൽ വടയക്കണ്ടി നാരായണന്റെ അനുഖ്യാതി ശ്രദ്ധയ്ക്കൂ. "വേദി ചാലകന്റെ കയ്യിലെ സമയസൂചികയിൽ ഇപ്പോൾ സമയം 12 മണി, കൃത്യം പന്ത്രണ്ട് 10നകം ഇപ്പോൾ വേദിയിൽ നടന്നു കൊണ്ടിരിക്കുന്ന പെൺകുട്ടികളുടെ സംഘ നൃത്ത മത്സരത്തിൽ രണ്ടാമത്തെ വൃന്ദത്തിലെ 2436 എന്ന സംഖ്യ പ്രതിനിധാനംചെയ്യുന്ന മത്സര സംഘം ചമയവും വസ്ത്രധാരണവും പൂർത്തിയാക്കി വേദിക്ക് പിന്നിൽ എത്തിച്ചേരാത്ത പക്ഷം മത്സരത്തിൽ പങ്കെടുക്കാനുള്ള അവസരം നിഷേധിക്കപ്പെടുമെന്ന് ഖേദപൂർവ്വം അറിയിക്കുകയാണ്."

സാധാരണയായി അനൗൺസ്മെന്റുകൾക്ക് ഉപയോഗിക്കുന്ന ഇംഗ്ലീഷ് വാക്കുകൾക്കെല്ലാം മലയാളം കണ്ടെത്തിയിട്ടുണ്ട് നാരായണൻ. ഇതാ ഏതാനും ചില ഉദാഹരണങ്ങൾ.

നമ്പർ - സംഖ്യ, എസ്കോർട്ടിംഗ് ടീച്ചർ- അധ്യാപക അനുഗാമി, കോഡ്നമ്പർ- അവതരണക്രമ സംഖ്യ, റിപ്പോർട്ട് ചെയ്യുക- തെര്യപ്പെടുത്തുക, എത്തിച്ചേരുക  ഇങ്ങനെ പോകുന്നു ആ വാക്കുകൾ ആദ്യകാലത്ത് ഏറെ പരിഹാസച്ചിരി കേൾക്കേണ്ടിവന്നിട്ടുണ്ട് ഇദ്ദേഹത്തിന്. എന്നാൽ ഇപ്പോൾ എല്ലാവർക്കും പ്രിയമാണ് അനുഖ്യാതി.

25 വർഷമായി സംസ്ഥാന ജില്ല കലോത്സവങ്ങളിലെ മുഖ്യവേദിയിൽ സ്ഥിരം സാന്നിധ്യമാണ് നാരായണൻ. ഇംഗ്ലീഷ് അധ്യാപകനായ ഇദ്ദേഹത്തിന്റെ മലയാളഭാഷാ സനേഹം പഠിക്കുന്ന കാലം മുതലേ ഉള്ളതാണ്.

മടപ്പള്ളി കോളേജിൽ ബിഎ ഇംഗ്ലീഷിനു പഠിക്കുന്ന കാലത്തുതന്നെ ഇംഗ്ലീഷ് പദങ്ങളുടെ ശരിയായ മലയാളം കണ്ടെത്തുക എന്നത് ഒരു ഹോബിയായിരുന്നു.എം. കൃഷ്ണൻ നായരുടെ സാഹിത്യ വാരഫലവും ലോനപ്പൻ നമ്പാടന്റെ പ്രവർത്തനങ്ങളും തന്നെ ആകർഷിച്ചിരുന്ന തായി അദ്ദേഹം പറയുന്നു.

അടുത്തകാലത്തായി ഡ്യൂട്ടി സർട്ടിഫിക്കറ്റിനെ പൂർണമായി മലയാളീകരിച്ച് 'സേവന സാക്ഷ്യപത്രം' എന്നപേരിൽ പുറത്തിറക്കിയിട്ടുണ്ട് അദ്ദേഹം.സംസ്ഥാന കലോൽസവത്തിന് ഉപയോഗപ്പെടുത്തണമെന്ന് അഭ്യർത്ഥിച്ചുകൊണ്ട് വിദ്യാഭ്യാസ മന്ത്രിക്കും ഡിപിഐക്കും അയച്ചുകൊടുത്തിട്ടുണ്ട് ഇത്. സ്വീകരിക്കുമെന്നാണ് പ്രതീക്ഷ.

Read more topics: vadakara, thiruvallur, kozhikode,
English summary
announcement or baout anukyathi
topbanner

More News from this section

Subscribe by Email