topbanner
Tuesday September 26th, 2017 - 2:10:am
topbanner

പ്രമുഖ നടിയെ കണ്ണൂരിൽ അപായപ്പെടുത്താൻ ശ്രമം

suvitha
പ്രമുഖ നടിയെ കണ്ണൂരിൽ അപായപ്പെടുത്താൻ ശ്രമം

കണ്ണൂർ: കണ്ണൂരില്‍ സിനിമതാരം പ്രണതിയെ അപായപ്പെടുത്താന്‍ ശ്രമം. തമിഴ്, മലയാളം സിനിമകളില്‍ ശ്രദ്ധേയയാണ് നടി. പ്രണതിയെ തോക്കുചൂണ്ടി ഭീഷണിപ്പെടുത്തിയത് സ്വന്തം അമ്മാവന്‍ തന്നെയാണ്. തുടർന്ന് അമ്മാവൻ അരവിന്ദ് രത്‌നാകറിനെ പോലീസ് കസ്റ്റഡിയിലെടുത്തിട്ടുണ്ട്. കഴിഞ്ഞദിവസം രാത്രിയായിരുന്നു സംഭവം. നടിയും കുടുംബവും സിനിമയുമായി ബന്ധപ്പെട്ട് ഇപ്പോള്‍ ചെന്നൈയിലാണ് താമസം. കഴിഞ്ഞദിവസമാണ് പ്രണതി തലശേരിയിലെത്തിയത്.

അസുഖത്തെ തുടര്‍ന്നു വീട്ടില്‍ ചികിത്സയില്‍ കഴിയുന്ന മുത്തച്ഛന്‍ കെ.പി.രത്‌നാകരനെ ശുശ്രൂഷിക്കാന്‍ ഹോളോവേ റോഡിലെ വീട്ടില്‍ എത്തിയതായിരുന്നു താനും അമ്മ രത്‌നപ്രഭയുമെന്നു പ്രണതി പരാതിയില്‍ പറയുന്നു. എല്ലാ ദിവസവും മുത്തച്ഛനെ ശുശ്രൂഷിച്ച് രാത്രി തിരിച്ചുപോവുകയാണ് പതിവ്. ഇതിനിടയില്‍ വീട്ടില്‍ കയറി അരവിന്ദ് രത്‌നാകര്‍ തിര നിറച്ച പിസ്റ്റള്‍ ചൂണ്ടി വെടിവയ്ക്കുമെന്നു ഭീഷണിപ്പെടുത്തുകയും മര്‍ദിക്കുകയും ചെയ്തുവെന്നാണ് പരാതി.

കുടുംബ പ്രശ്‌നമാണ് സംഭവത്തിനു പിറകിലെന്നു പോലീസ് വ്യക്തമാക്കി. മുത്തച്ഛനെ ശുശ്രൂഷിക്കുന്നതിനായാണ് അമ്മയ്‌ക്കൊപ്പം ചെന്നൈയില്‍ നിന്ന് ആഴ്ചകള്‍ക്കു മുന്‍പ് തലശ്ശേരിയില്‍ വന്നതെന്നു പ്രണതി പറഞ്ഞു. തുടർന്നുള്ള അമ്മാവന്റെ മോശം പെരുമാറ്റത്തെത്തുടർന്ന് ഗത്യന്തരമില്ലാതെയാണ് പോലീസില്‍ പരാതിപ്പെട്ടതെന്നും പ്രണതി പറഞ്ഞു. ഫോർ ദ പീപ്പിൾ എന്ന മലയാള ചിത്രത്തിലും നിരവധി തമിഴ്, തെലുങ്ക് ചിത്രങ്ങളിലും അഭിനയിച്ചിട്ടുണ്ട്.

 

Read more topics: kannur, actress, attack, pranathi,
English summary
Attempting to attack film actress pranathi
topbanner topbanner

More News from this section

Subscribe by Email