Friday November 16th, 2018 - 6:47:am
topbanner

ചാനൽ സംഘം യാത്ര ചെയ്ത വള്ളം മറിഞ്ഞു കാണാതായവരിൽ രണ്ട് പേരുടെയും മൃതദേഹങ്ങള്‍ കണ്ടെത്തി

NewsDesk
ചാനൽ സംഘം യാത്ര ചെയ്ത വള്ളം മറിഞ്ഞു കാണാതായവരിൽ രണ്ട് പേരുടെയും മൃതദേഹങ്ങള്‍ കണ്ടെത്തി

കോട്ടയം: വൈക്കം മുണ്ടാറിലെ ദുരിതാശ്വാസക്യാമ്പിലെ ദുരിതങ്ങള്‍ റിപ്പോര്‍ട്ട് ചെയ്ത് മടങ്ങുകയായിരുന്ന മാതൃഭൂമി ചാനല്‍ സംഘം സഞ്ചരിച്ച വള്ളം മുങ്ങി കാണാതായ രണ്ട് പേരുടെയും മൃതദേഹങ്ങള്‍ കണ്ടെത്തി. കടുത്തുരുത്തി മാതൃഭൂമി ന്യൂസ് സ്ട്രിംഗര്‍ മാന്നാര്‍ പട്ടശ്ശേരില്‍ സജി മെഗാസ് (47)ന്റെ മൃതദേഹമാണ് ചൊവ്വാഴ്ച രാവിലെ കണ്ടെത്തിയത്.

അപകട സ്ഥലത്തുതന്നെയായിരുന്നു സജിയുടെ മൃതദേഹം കണ്ടെത്തിയത്. തിരുവല്ല ഇരവിപേരൂര്‍ കോഴിമല ഉഴത്തില്‍ ബാബു ജോണിന്റെ മകന്‍ബിബിന്റെ (26) മൃതദേഹം വൈകിട്ട് ഏഴ് മണിയോടെ അപകടം നടന്ന സ്ഥലത്തുനിന്ന് കുറച്ച് മാറിയാണ് കണ്ടത്.

ബിബിനായുള്ള ചൊവ്വാഴ്ചത്തെ തിരച്ചില്‍ അവസാനിപ്പിച്ച്. നാളത്തെക്കുള്ള കാര്യങ്ങള്‍ തീരുമാനിച്ചതിനു ശേഷം, സംഭവം നടന്നതിന് അല്പം മാറി ഒഴുക്കില്‍ പെട്ടു മ്യതദേഹം പോവാതിരിക്കാന്‍ വല കെട്ടാന്‍ പോയപ്പോള്‍ ബോഡി കണ്ടെത്തുകയായിരുന്നു.റിസോര്‍ട്ടിന് മുന്‍പില്‍ നിന്നാണ് മ്യതദേഹം കണ്ടെത്തിയത്. കോട്ടയം മെഡിക്കല്‍ കോളേജിലേയ്ക്ക് മാറ്റി.

കല്ലറ പഞ്ചായത്തിലെ മുണ്ടാര്‍ പറേകോളനിയിലെ വെള്ളപ്പൊക്ക ദുരിതാശ്വാസ ക്യാമ്പ് റിപ്പോര്‍ട്ട് ചെയ്ത് മടങ്ങുകയായിരുന്ന ചാനല്‍ സംഘം സഞ്ചരിച്ച വള്ളം തിങ്കളാഴ്ച പന്ത്രണ്ടരയ്ക്ക് കരിയാറിന്റെ മനക്കച്ചിറ ഒമ്പതാം നമ്പറിലാണ് മറിഞ്ഞത്.

അപടത്തില്‍ മാതൃഭൂമി ന്യൂസിന്റെ കോട്ടയത്തെ റിപ്പോര്‍ട്ടര്‍ തൃശൂര്‍ കുടപ്പുഴമന ശ്രീധരന്‍ (28), ചിറക്കടവ് തടിച്ചുമാക്കില്‍ അഭിലാഷ് (29) എന്നിവരെ വള്ളം തുഴഞ്ഞ മുണ്ടാര്‍ സ്വദേശി അഭിലാഷ് രക്ഷപ്പെടുത്തിയിരുന്നു. തുടര്‍ന്ന് കാണാതായവര്‍ക്ക് വേണ്ടി സ്‌കൂബാ ടീമും, ഫയര്‍ഫോഴ്സും നാട്ടുകാരുടെ സഹായത്തോടെ തിങ്കളാഴ്ച രാത്രി എട്ടുമണി വരെ തിരച്ചില്‍ നടത്തിയെങ്കിലും കണ്ടെത്താന്‍ കഴിഞ്ഞില്ല.

ചൊവ്വാഴ്ച നാവികസേനയും, ദ്രുതകര്‍മ്മ സേനയും, ഫയര്‍ ഫോഴ്സും എത്തി രാവിലെ 7.30യോടെ തിരച്ചില്‍ ആരംഭിച്ചു. പത്തു മണിയോടെ സജിയുടെ മൃതദേഹം വെള്ളത്തിനടിയില്‍ നിന്നും കണ്ടെത്തുകയായിരുന്നു. ഈരാറ്റുപേട്ടയില്‍ നിന്നെത്തിയ നന്മക്കൂട്ടം എന്ന ആറംഗ ചെറുപ്പക്കാരുടെ തിരച്ചില്‍ സംഘത്തിലെ ഷാമോന്‍ ആണ് സജിയുടെ മൃതദേഹം കണ്ടെത്തിയത്.

മുണ്ടാറില്‍ നിന്നും എഴുമാന്തുരുത്ത് പലത്തിന് സമീപം മൃതദേഹം എത്തിച്ച ശേഷം ആംബുലന്‍സില്‍ കോട്ടയം മെഡിക്കല്‍ കോളേജില്‍ എത്തിച്ച് പോസ്റ്റുമോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടുകൊടുത്തു. 2.30 ഓടെ കടുത്തുരുത്തി ടൗണിലും തുടര്‍ന്ന് ആപ്പാംഞ്ചിറയിലും പെതു ദര്‍ശനത്തിന് വെച്ചു. മാന്നാറിലെ വീട്ടിലെത്തിച്ച മൃതദ്ദേഹം കാണാന്‍ വന്‍ജനാവലി എത്തി. അഞ്ചു മണിയോടെ വീട്ടുവളപ്പില്‍ മൃതദേഹം സംസ്‌കരിച്ചു. റ്റി.വി.പുരം സുരേന്ദ്ര ഭവനത്തില്‍ സുനിതയാണ് ഭാര്യ. മക്കള്‍: അമിക സജി (പ്ലസ് വണ്‍ വിദ്യാര്‍ത്ഥിനി), അമിയ സജി (അഞ്ചാം ക്ലാസ് വിദ്യാര്‍ത്ഥിനി).

Read more topics: mathrubhumi, reporter, missing,
English summary
KOTTAYAM FLOODING AREA CHANNEL REPORTER MISSING
topbanner

More News from this section

Subscribe by Email