Tuesday May 22nd, 2018 - 1:51:pm
topbanner

15 കാരിയെ മാതാപിതാക്കള്‍ നിരവധി പേര്‍ക്ക് കൈമാറിയ സംഭവം ; അമ്മയും ബന്ധുവും അറസ്റ്റില്‍

suji
15 കാരിയെ മാതാപിതാക്കള്‍ നിരവധി പേര്‍ക്ക് കൈമാറിയ സംഭവം ; അമ്മയും ബന്ധുവും അറസ്റ്റില്‍

തെന്മല ആര്യാങ്കാവില്‍ 15 കാരിയെ പീഡിപ്പിച്ച സംഭവത്തില്‍ അമ്മയും ബന്ധുവും അറസ്റ്റിലായി. പെണ്‍കുട്ടിയെ നിരവധി പേര്‍ക്ക് കൈമാറിയിരുന്നതായി ചോദ്യം ചെയ്യലില്‍ കുട്ടിയുടെ അമ്മ സമ്മതിച്ചു. കഴിഞ്ഞ ദിവസം കസ്റ്റഡിയിലെടുത്ത ഇവരുടെ അറസ്റ്റ് രേഖപ്പെടുത്തി.
ആര്യങ്കാവിന് അടുത്തുള്ള കളിര്‍ കാവ്, തമിഴ്‌നാട്ടിലെ പുളിയറ, സുരണ്ട എന്നിവിടങ്ങളില്‍ വച്ചാണ് തിരുവനന്തപുരം സ്വദേശിയായ പെണ്‍കുട്ടിയെ പീഡനത്തിനിരയാക്കിയത്. അച്ഛനും അമ്മയും ചേര്‍ന്ന് പെണ്‍കുട്ടിയെ പലര്‍ക്കുമായി കൈമാറുകയായിരുന്നു.

മാതാപിതാക്കള്‍ പിണങ്ങിയപ്പോള്‍ പെണ്‍കുട്ടിയെ കാണാനില്ലെന്ന് കാണിച്ച് അമ്മ പോലീസില്‍ പരാതി നല്‍കി. ഇതിന്മേല്‍ നടത്തിയ അന്വേഷണത്തിലാണ് പരാതി നല്‍കിയ അമ്മയേയും അടുത്ത ബന്ധുവിനേയും പോലീസ് അറസ്റ്റ് ചെയ്തത്. കുട്ടിയെ പീഡിപ്പിച്ച സ്ഥലങ്ങളില്‍ പ്രതികളെ എത്തിച്ച് തെളിവെടുപ്പ് നടത്തി.

പെണ്‍കുട്ടിയെ കണ്ടെത്തി പോലീസ് നടത്തിയ ചോദ്യം ചെയ്യലിലാണ് സംഭവത്തിന്റെ വിശദാംശങ്ങള്‍ ലഭ്യമായത്. അച്ഛനേയും കുട്ടിയെ പീഡിപ്പിച്ച അഞ്ചുപേരേയും കണ്ടെത്താനായി പോലീസ് അന്വേഷണമാരംഭിച്ചു. ഇവര്‍ തമിഴ്‌നാട്ടില്‍ ഒളിവില്‍ പോയെന്നാണ് വിവരം. സംഭവത്തില്‍ മൂന്നു കേസുകള്‍ രജിസ്റ്റര്‍ ചെയ്തു.

Read more topics: girl raped , arrest
English summary
15 year girl raped case mother arrested

More News from this section

Subscribe by Email