Sunday September 23rd, 2018 - 8:07:pm
topbanner

മഹാരാഷ്ട്രയ്ക്ക് പോകേണ്ട ട്രെയിന്‍ എത്തിയത് മധ്യപ്രദേശില്‍..! വട്ടംചുറ്റി യാത്രക്കാര്‍

sadu prakash
മഹാരാഷ്ട്രയ്ക്ക് പോകേണ്ട ട്രെയിന്‍ എത്തിയത് മധ്യപ്രദേശില്‍..! വട്ടംചുറ്റി യാത്രക്കാര്‍

മുംബൈ: മഹാരാഷ്ട്രയ്ക്ക് പോയ ട്രെയിന്‍ 160 കിലോമീറ്റര്‍ വഴി തെറ്റി ഓടി. ഒടുവില്‍ എത്തിയത് മധ്യപ്രദേശില്‍!. ഡല്‍ഹിയില്‍ നിന്നും 1500 യാത്രക്കാരുമായി പുറപ്പെട്ട ട്രെയിനാണ് വഴി തെറ്റി ഓടിയത്. ഡല്‍ഹിയിലെ ജന്തര്‍മന്തറില്‍ നടന്ന കിസാന്‍ യാത്രയില്‍ പങ്കെടുത്തു മടങ്ങിയ രാജസ്ഥാനിലേയും മഹാരാഷ്ട്രയിലേയും കര്‍ഷകരാണ് റെയില്‍വെയുടെ അനാസ്ഥയെ തുടര്‍ന്ന് വട്ടംചുറ്റിയത്.

ചൊവ്വാഴ്ച രാത്രി പത്തുമണിക്കാണ് ട്രെയിന്‍ ഡല്‍ഹിയിലെ സഫ്ദര്‍ജങ് സ്റ്റേഷനില്‍ നിന്ന് പുറപ്പെട്ടത്. ബുധനാഴ്ച രാവിലെ ആറുമണിക്ക് യാത്രക്കാര്‍ ഉണര്‍ന്നപ്പോള്‍ ട്രെയിന്‍ മധ്യപ്രദേശിലെ ഗ്വാളിയോറിനടുത്തുള്ള ബാന്‍മോര്‍ സ്റ്റേഷനിലെത്തിയിരുന്നു. വഴി തെറ്റിയത് അറിഞ്ഞയുടന്‍ ട്രെയിന്‍ അവിടെ നിര്‍ത്തിയിടുകയായിരുന്നു.

ആഗ്ര കഴിഞ്ഞ് രാജസ്ഥാനിലെ കോട്ടയിലേക്കായിരുന്നു പോകേണ്ടിയിരുന്നത്. എന്നാല്‍ മധുര സ്റ്റേഷനില്‍ നിന്നും തെറ്റായ സിഗ്‌നല്‍ ലഭിച്ചതോടെയാണ് ട്രെയിന്‍ വഴി തെറ്റിയതെന്നാണ് ഡ്രൈവറുടെ വിശദീകരണം.

1494 യാത്രക്കാരില്‍ 200 പേര്‍ സ്ത്രീകളാണ്. ലക്ഷങ്ങള്‍ കൊടുത്താണ് കര്‍ഷക സംഘടന ട്രെയിന്‍ ബുക്കു ചെയ്തത്. ബുധനാഴ്ച വൈകിട്ട് കോല്‍ഹാപ്പുരില്‍ എത്തേണ്ടിയിരുന്ന ട്രെയിന്‍ വ്യാഴാഴ്ച രാവിലെയെ എത്തൂ എന്നാണ് അധികൃതര്‍ അറിയിച്ചത്.

 

English summary
train run 160 km wrong direction
topbanner

More News from this section

Subscribe by Email