Wednesday July 24th, 2019 - 6:23:am
topbanner
topbanner

മോദി സംസാരിക്കുമ്പോള്‍ സ്റ്റേജിന് താഴെ തീ; മൂന്ന് പേര്‍ പിടിയില്‍

JB
മോദി സംസാരിക്കുമ്പോള്‍ സ്റ്റേജിന് താഴെ തീ; മൂന്ന് പേര്‍ പിടിയില്‍

അലിഗഡ്: പ്രധാനമന്ത്രി നരേന്ദ്ര മോദി സംസാരിച്ചു കൊണ്ടിരിക്കേ തെരഞ്ഞെടുപ്പ് പരിപാടിയുടെ വേദിയില്‍ തീപിടിച്ചു. ഉത്തര്‍ പ്രദേശിലെ അലിഗഡിലായിരുന്നു സ്റ്റേജിന് താഴെ തീടിച്ചത്. സ്റ്റേജില്‍ സ്ഥാപിച്ചിരുന്ന എസിയിലേയ്ക്ക് വൈദ്യുതി എത്തിച്ച കേബിള്‍ ചൂടുപിടിച്ച് കത്തിയതാണെന്നാണ് പ്രാഥമിക നിഗമനം. സംഭവത്തില്‍ മൂന്ന് പേരെ പോലീസ് കസ്റ്റഡിയിലെടുത്തു.

സ്റ്റേജില്‍ വൈദ്യുതോപകരണങ്ങള്‍ സ്ഥാപിക്കാന്‍ കരാറെടുത്ത കരാറുകാരനടക്കം മൂന്നു പേരെയാണ് പോലീസ് കസ്റ്റഡിയിലെടുത്തത്. ഇവര്‍ക്കെതിരെ കേസെടുത്തിട്ടുണ്ട്. അതേസമയം, തീപടര്‍ന്ന് പെട്ടെന്ന് തന്നെ കണ്ടെത്തിയതിനാല്‍ അപകടം കൂടാതെ തീയണച്ചു.സുരക്ഷാ ജീവനക്കാര്‍ ആരും അറിയാതെ തീയണച്ചതിനാല്‍ പ്രസംഗം തടസ്സപ്പെട്ടില്ല. എന്നാല്‍ പ്രസംഗം തീര്‍ന്ന ഉടന്‍ തന്നെ കരാറുകാരനെ അറസ്റ്റ് ചെയ്യുകയായിരുന്നു. ഇയാള്‍ക്ക് കീഴില്‍ പ്രവര്‍ത്തിക്കുന്ന രണ്ട് തൊഴിലാളികളാണ് അറസ്റ്റിലായ മറ്റു രണ്ടുപേര്‍ എന്നാണ് വിവരം.

ഗുരുതരമായ സുരക്ഷാ വീഴ്ചയാണ് ഉണ്ടായതെങ്കിലും സംഭവം അതീവ രഹസ്യമായി സുരക്ഷാ ജീവനക്കാരും ഉത്തര്‍ പ്രദേശ് പോലീസും മറച്ചു പിടിക്കുകയായിരുന്നു എന്നാണ് റിപ്പോര്‍ട്ടുകള്‍.

 

Read more topics: security, issue in modhi, stage,
English summary
security issue in modhi stage
topbanner

More News from this section

Subscribe by Email