Monday November 19th, 2018 - 2:52:pm
topbanner

സുപ്രീം കോടതി വിധി നിലവിലെ ആചാരങ്ങള്‍ പരിഗണിക്കാതെ; ശബരിമല വിഷയത്തില്‍ മലക്കം മറിഞ്ഞ് ആര്‍എസ്എസ്

JB
സുപ്രീം കോടതി വിധി നിലവിലെ ആചാരങ്ങള്‍ പരിഗണിക്കാതെ; ശബരിമല വിഷയത്തില്‍ മലക്കം മറിഞ്ഞ് ആര്‍എസ്എസ്

ന്യൂഡല്‍ഹി: ശബരിമലയിലെ സ്ത്രീപ്രവേശന വിഷയത്തില്‍ മുന്‍ നിലപാടില്‍ നിന്ന് മലക്കം മറിഞ്ഞ് ആര്‍എസ്എസ് നേതൃത്വം. സ്ത്രീപ്രവേശനവുമായി ബന്ധപ്പെട്ട സുപ്രീം കോടതി വിധി നിലവിലെ ആചാരങ്ങള്‍ പരിഗണിക്കാതെയാണെന്ന് ആര്‍എസ്എസ് തലവന്‍ മോഹന്‍ ഭാഗവത് പറഞ്ഞു. സമവായത്തിലൂടെയാണ് സമൂഹത്തില്‍ മാറ്റങ്ങള്‍ ഉണ്ടാക്കേണ്ടത്. സ്ത്രീകള്‍ ഉള്‍പ്പെടെയുള്ള വിശ്വാസികളുടെ വികാരം പരിഗണിക്കാതെയാണ് സുപ്രീം കോടതി വിധി പുറപ്പെടുവിച്ചതെന്നും മോഹന്‍ ഭാഗവത് കുറ്റപ്പെടുത്തി.

2016 ല്‍ ആര്‍എസ്എസ് പ്രഖ്യാപിച്ച നിലപാടിന് നേര്‍വിപരീതമായ നിലപാടാണ് ഇപ്പോള്‍ കൈക്കൊണ്ടിരിക്കുന്നത്. പുരുഷന്മാര്‍ക്ക് പ്രവേശനമുള്ളിടത്തെല്ലാം സ്ത്രീകള്‍ക്കും പ്രവേശനം വേണമെന്നായിരുന്നു ആര്‍എസ്എസ് ആദ്യം പറഞ്ഞിരുന്നത്. എന്നാല്‍ ഈ നിലപാടില്‍ നിന്നാണ് ഇക്കൂട്ടര്‍ ഇപ്പോള്‍ പിന്നോട്ടു പോയിരിക്കുന്നത്. വിജയദശമി ദിനത്തിന്റെ ഭാഗമായി നാഗ്പൂരില്‍ നടത്തിയ പ്രസംഗത്തിലാണ് ആര്‍എസ്എസ് മേധാവി നിലപാട് മാറ്റം തുറന്നു പ്രഖ്യാപിച്ചത്.

 

English summary
rss chief mohan bhagwat opposes sabarimala verdict
topbanner

More News from this section

Subscribe by Email