Sunday July 21st, 2019 - 12:44:pm
topbanner
topbanner

മോദിയെ പോലുള്ള ദേശഭക്തരെ രാജ്യത്തിന് ആവശ്യമില്ല ; ചൈനയുടെ കാര്യം വരുമ്പോള്‍ മോദി മൗനം പാലിക്കുന്നുവെന്ന് രാഹുല്‍ഗാന്ധി

suji
മോദിയെ പോലുള്ള ദേശഭക്തരെ രാജ്യത്തിന് ആവശ്യമില്ല ; ചൈനയുടെ കാര്യം വരുമ്പോള്‍ മോദി മൗനം പാലിക്കുന്നുവെന്ന് രാഹുല്‍ഗാന്ധി

ചൈനയുടെ കാര്യം വരുമ്പോള്‍ നരേന്ദ്ര മോദി ഒരക്ഷരം മിണ്ടാറില്ലെന്ന് രാഹുല്‍ ഗാന്ധി. ഇന്ത്യയുടെ പ്രാദേശികമായ വിഷയങ്ങളില്‍ ചൈന ഇടപെടുമ്പോഴും മോദി പ്രതികരിക്കുന്നില്ലെന്നും അരുണാചല്‍ വിഷയം ചൂണ്ടിക്കാണിച്ച് രാഹുല്‍ വിമര്‍ശിച്ചു.

കുറച്ചു വര്‍ഷങ്ങള്‍ക്ക് മുന്‍പ് മോദി, ചൈനീസ് പ്രസിഡന്റ് ഷീ ജിന്‍പിങ്ങിനെ സ്വന്തം സംസ്ഥാനമായ ഗുജറാത്തില്‍ ക്ഷണിച്ചിരുന്നു. അന്ന് ഷീക്കൊപ്പം ഇരുന്ന് ചായ കുടിച്ചതല്ലാതെ മോദി അതിര്‍ത്തി തര്‍ക്കങ്ങളെക്കുറിച്ച് ഒരക്ഷരം പോലും മിണ്ടിയില്ലെന്ന് രാഹുല്‍ പറഞ്ഞു. അരുണാചല്‍ പ്രദേശില്‍ തെരഞ്ഞെടുപ്പ് റാലിയില്‍ സംസാരിക്കുകയായിരുന്നു രാഹുല്‍ ഗാന്ധി.

രാജ്യത്തിന്റെ അതിര്‍ത്തി വിഷയം ഉന്നയിക്കാന്‍ പോലും കഴിയില്ലെങ്കില്‍ സ്വയം ഒരു ദേശഭക്തനാണെന്ന് എങ്ങനെ മോദിക്ക് പറയാന്‍ കഴിയും. ഇത്തരത്തിലുള്ള ദേശഭക്തരെ ഈ നാടിന് ആവശ്യമില്ല. രാഹുല്‍ പരിഹസിച്ചു. രാജ്യത്തിന്റെ അതിര് സംരക്ഷിക്കാന്‍ അരുണാചല്‍ പ്രദേശിലുള്ളവര്‍ക്ക് ആര്‍ജവമുണ്ട്. പക്ഷേ, മോദി യാതൊരു അജണ്ടയും ഇല്ലാതെയാണ് ചൈന സന്ദര്‍ശിക്കാന്‍ പോയതെന്നും രാഹുല്‍ കുറ്റപ്പെടുത്തി. മോദിക്കും ബിജെപിക്കും ഷീ ജിന്‍പിങ്ങിനെ ഭയമാണെന്നും രാഹുല്‍ ഗാന്ധി നേരത്തെ പരിഹസിച്ചിരുന്നു.

 

Read more topics: rahul , modi,arunachal pradesh
English summary
rahul criticize modi in arunachal pradesh
topbanner

More News from this section

Subscribe by Email