topbanner
Sunday June 25th, 2017 - 3:57:pm
topbanner

മുസ്ലീങ്ങള്‍ നാടുവിട്ടുപോകണം; ഉത്തര്‍പ്രദേശില്‍ പോസ്റ്ററുകള്‍

NewsDesk
മുസ്ലീങ്ങള്‍ നാടുവിട്ടുപോകണം; ഉത്തര്‍പ്രദേശില്‍ പോസ്റ്ററുകള്‍

ലക്‌നൗ: ഉത്തര്‍പ്രദേശിലെ ഗ്രാമങ്ങളില്‍ മുസ്ലീം വിരുദ്ധ വര്‍ഗീയ പോസ്റ്ററുകള്‍. ബി.ജെ.പിയുടെ വന്‍ വിജയത്തിന് പിന്നാലെയാണ് മുസ്ലീങ്ങള്‍ ഉടന്‍ നാടുവിടണമെന്ന തരത്തിലുള്ള പോസ്റ്ററുകള്‍ പ്രത്യക്ഷപ്പെട്ടത്.

യു.പിയിലെ ബറേയ്‌ലി ജില്ലയിലെ ഗ്രാമപ്രദേശങ്ങളില്‍ പ്രത്യക്ഷപ്പെട്ടതെന്ന് ടൈംസ് ഓഫ് ഇന്ത്യ റിപ്പോര്‍ട്ട് ചെയ്യുന്നു. ഈ വര്‍ഷമവസാനം വരെ നാടുവിട്ടു പോകാന്‍ ജിയാന്‍ഗ്ലാ ഗ്രാമത്തില്‍ പ്രത്യക്ഷപ്പെട്ട പോസ്റ്ററുകളില്‍ മുസ്ലീങ്ങള്‍ക്ക് സമയം നല്‍കിയിരിക്കുന്നു.

ഉത്തര്‍പ്രദേശില്‍ ബി.ജെ.പി അധികാരത്തിലെത്തിയ സ്ഥിതിക്ക് യു.എസ് പ്രസിഡന്റ് ഡൊണാള്‍ഡ് ട്രംപ് അമേരിക്കയിലെ മുസ്ലിങ്ങളോട് ചെയ്യുന്നത് ഇവിടുത്തെ ഭൂരിപക്ഷ സമുദായവും ചെയ്യുമെന്നും പോസ്റ്ററുകളില്‍ പറയുന്നു.

നാടുവിട്ടു പോയില്ലങ്കില്‍ അതിന്റെ പ്രത്യാഘാതം അനുഭവിക്കേണ്ടിവരുമെന്ന ഭീഷണിയും എഴുതിയിട്ടുണ്ട്. തിങ്കളാഴ്ച രാവിലെ വിവിധയിടങ്ങളിലായി പ്രത്യക്ഷപ്പെട്ട പോസ്റ്ററുകള്‍ പൊലീസ് പിന്നീട് നീക്കം ചെയ്തു. സംഭവവുമായി ബന്ധപ്പെട്ട് അഞ്ച് പേരെ കസ്റ്റഡിയിലെടുത്തിട്ടുണ്ട്.

Read more topics: Poster, Muslim, village
English summary
Posters call for all Muslim residents in this village to 'leave immediately'
topbanner topbanner

More News from this section

Subscribe by Email