Sunday July 21st, 2019 - 1:01:pm
topbanner
topbanner

മുന്‍ സുപ്രീംകോടതി ജസ്റ്റിസ് പിസി ഘോസെ ലോക് പാല്‍

JB
മുന്‍ സുപ്രീംകോടതി ജസ്റ്റിസ് പിസി ഘോസെ ലോക് പാല്‍

ന്യൂഡല്‍ഹി: അഭ്യൂഹങ്ങള്‍ക്ക് വിരാമം. മുന്‍ സുപ്രീംകോടതി ജഡ്ജ് പിനാകി ചന്ദ്ര ഘോസെ ഇന്ത്യയുടെ ആദ്യത്തെ ലോക് പാല്‍ ആയി നിയമിതനായി. രാഷ്ട്രപതി രാംനാഥ് കോവിന്ദ് ആണ് നിയമനം സ്ഥിരീകരിച്ചത്. നേരത്തെ കേന്ദ്രസര്‍ക്കാര്‍ പിസി ഘോസെയുടെ പേര് നിര്‍ദേശിച്ചിരുന്നു.

സുപ്രീംകോടതിയില്‍ നിന്ന് 2017 മേയ് മാസം വിരമിച്ച ഘോസെ, നിലവില്‍ ദേശീയ മനുഷ്യാവകാശ കമ്മീഷന്‍ അംഗമാണ്. 1952 മേയ് 28ന് ആണ് ഘോസെ ജനിച്ചത്. അഭിഭാഷകരുടെ കുടുംബത്തിലായിരുന്നു ജനനം. മുന്‍ കല്‍ക്കട്ട ഹൈക്കോടതി ചീഫ് ജസ്റ്റിസ് ശംഭുചന്ദ്ര ഘോസെയുടെ മകനാണ്.

ലോക് പാല്‍ സമിതിയിലെ അംഗങ്ങളുടെ പേര് പത്ത് ദിവസത്തിനുള്ളില്‍ തീരുമാനിക്കണം എന്ന് മാര്‍ച്ച് ഏഴിന് സുപ്രീംകോടതി ആവശ്യപ്പെട്ടിരുന്നു. അഴിമതി വിരുദ്ധ സമിതിയാണ് മൂന്നംഗങ്ങളുള്ള ലോക് പാല്‍. ഒരു അധ്യക്ഷനും ജുഡീഷ്യല്‍ അംഗവും നോണ്‍ ജുഡീഷ്യല്‍ അംഗവും ചേര്‍ന്നതാണ് ലോക് പാല്‍ സമിതി.

അഴിമതി വിരുദ്ധ പ്രവര്‍ത്തകന്‍ അന്ന ഹസാരെയുടെ നേതൃത്വത്തില്‍ നടന്ന പ്രക്ഷോഭങ്ങള്‍ക്ക് ഒടുവില്‍ 2013ല്‍ ആണ് ലോക് പാല്‍ ലോകായുക്ത നിയമം പാസായത്. ദേശീയതലത്തിലും സംസ്ഥാനതലത്തിലും അഴിമതി വിഷയങ്ങള്‍ അന്വേഷിക്കാനുള്ള അധികാരമാണ് ലോക് പാലിനുള്ളത്.

 

Read more topics: p c kosa, lokpal,
English summary
p c kosa lokpal
topbanner

More News from this section

Subscribe by Email