Friday April 26th, 2019 - 1:35:am
topbanner
topbanner

മുംബൈയില്‍ കോണ്‍ഗ്രസിന് പുതിയ തലവനായി മിലിന്ദ് ദിയോറ

JB
 മുംബൈയില്‍ കോണ്‍ഗ്രസിന് പുതിയ തലവനായി മിലിന്ദ് ദിയോറ

ന്യൂഡല്‍ഹി: മുംബൈ റീജ്യണല്‍ കോണ്‍ഗ്രസ് കമ്മിറ്റിയുടെ തലവനായി മുന്‍ കേന്ദ്ര മന്ത്രി മിലിന്ദ് ദിയോറയെ നിയമിച്ചു. സഞ്ജയ് നിരുപമിന് പകരമാണ് ദിയോറ ചുമതലയേല്‍ക്കുന്നത്. പാര്‍ട്ടിയിലെ മുതിര്‍ന്ന നേതാക്കളുമായി നിരുപം അകല്‍ച്ചയിലായിരുന്നു. ആഭ്യന്തര പ്രശ്‌നങ്ങള്‍ അവസാനിപ്പിക്കാനാണ് ദിയോറയെ പകരം നിയമിച്ചതെന്നാണ് അറിയുന്നത്.

രാഹുല്‍ ഗാന്ധിയാണ് ദിയോറയെ നിയമിച്ചത്. മുംബൈ നോര്‍ത്ത് വെസ്റ്റ് മണ്ഡലത്തില്‍ നിന്നുള്ള സ്ഥാനാര്‍ഥിയായി നിരുപമിനെ നാമനിര്‍ദേശം ചെയ്യാനും കോണ്‍ഗ്രസ് തീരുമാനിച്ചിട്ടുണ്ട്. മുന്‍ കേന്ദ്ര മന്ത്രിയായ മുരളി ദിയോറയുടെ മകനാണ് മിലിന്ദ്. കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയോട് വളരെ അടുത്തയാളുമാണ് മിലിന്ദ് ദിയോറ.

മുന്‍പ് രണ്ട് തവണ രാജ്യസഭ അംഗമായിരുന്നു സഞ്ജയ് നിരുപം. ശിവസേനയില്‍ നിന്നാണ് അദ്ദേഹം കോണ്‍ഗ്രസില്‍ എത്തിയത്. 2017 മാര്‍ച്ചിലാണ് പ്രാദേശിക മുംബൈ കോണ്‍ഗ്രസിന്റെ അധ്യക്ഷനായി നിയമിച്ചത്. കഴിഞ്ഞ രണ്ട് വര്‍ഷത്തിനിടെ പാര്‍ട്ടിയുടെ പ്രാദേശിക ഘടകത്തിലെ വഴക്കുകളും അകല്‍ച്ചയും പാര്‍ട്ടിക്ക് തലവേദനയാകുകയും ചെയ്തു.

English summary
milanth diyora new leader in mumbai congress
topbanner

More News from this section

Subscribe by Email