Saturday June 6th, 2020 - 4:22:am

ലോക്ക് ഡൗണ്‍: തൃശൂരില്‍ 67 കേസുകള്‍ രജിസ്റ്റര്‍ ചെയ്തു

RA
ലോക്ക് ഡൗണ്‍: തൃശൂരില്‍ 67 കേസുകള്‍ രജിസ്റ്റര്‍ ചെയ്തു

തൃശൂര്‍: കോവിഡ് 19 പ്രതിരോധ പ്രവര്‍ത്തനങ്ങളുടെ ഭാഗമായി അനാവശ്യമായി പുറത്തിറങ്ങിയവര്‍ക്കെതിരേ തൃശൂര്‍ സിറ്റി പോലീസ് ജില്ലയില്‍ 67 കേസുകള്‍ രജിസ്റ്റര്‍ ചെയ്തു. ലോക്ക്ഡൗണ്‍ ലംഘിച്ച് ദേശീയ പാത മണ്ണുത്തി, പട്ടിക്കാട് മേഖലയില്‍ പുറത്തിറങ്ങിയ വാഹനയാത്രികര്‍ക്കെതിരെ പോലീസ് 10 കേസുകളെടുത്തു. വാഹനങ്ങള്‍ കസ്റ്റഡിയില്‍ എടുത്തു. മണ്ണുത്തിയില്‍ ആറും പീച്ചി സ്റ്റേഷന്‍ പരിധിയില്‍ നാലും കേസുകളാണെടുത്തത്. ബൈക്ക് യാത്രികരാണ് കൂടുതലും പിടിയിലായത്.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

ലോക്ക് ഡൗണ്‍ ലംഘിച്ചു വടക്കാഞ്ചേരി കല്ലമ്പാറ കോളനി ഭാഗത്തുനിന്നു വാരിയംപാട്ട് അനുജിത്ത് (19), രാഹുല്‍ (20), ശരത് (24) എന്നിവരെ അറസ്റ്റു ചെയ്തു. ഇവരെ പിന്നീട് ജാമ്യത്തില്‍ വിട്ടു.അനാവശ്യമായി വാഹനങ്ങളില്‍ കറങ്ങി നടന്നിരുന്ന അഞ്ചുപേരെ കുന്നംകുളം പോലീസ് അറസ്റ്റ് ചെയ്തു. ഇവര്‍ സഞ്ചരിച്ചിരുന്ന വാഹനങ്ങളും പോലീസ് കസ്റ്റഡിയിലെടുത്തു.

ലോക്ക് ഡൗണ്‍ നിര്‍ദേശം മറികടന്ന് മോട്ടോര്‍ ബൈക്കില്‍ സഞ്ചരിച്ച രണ്ടുപേരെ എരുമപ്പെട്ടി പോലീസ് അറസ്റ്റ് ചെയ്തു. വെള്ളറക്കാട് കൈതമാട്ടം മാനമ്പുള്ളി വീട്ടില്‍ അഭിലാഷ് (29), വെള്ളറക്കാട് നെല്ലിക്കുന്ന് ചേമ്പാലക്കാട്ടില്‍ വീട്ടില്‍ ആഷിഖ് (28) എന്നിവരെയാണ് എരുമപ്പെട്ടി എസ്.ഐ. പി.ആര്‍. രാജീവും സംഘവും അറസ്റ്റ് ചെയ്തത്. പന്നിത്തടം സെന്ററില്‍ വച്ചാണ് ഇരുവരും പോലീസിന്റെ പിടിയിലായത്. ഇവരെ പിന്നീട് ജാമ്യത്തില്‍ വിട്ടയച്ചു.

അനാവശ്യമായി അമിതവേഗതയില്‍ വാഹനം ഓടിച്ച യുവാവിനെ എരുമപ്പെട്ടി പോലീസ് അറസ്റ്റു ചെയ്തു. ചിറമനേങ്ങാട് കാരപ്പുള്ളി വീട്ടില്‍ അശ്വിനെയാണ് (25) പോലീസ് അറസ്റ്റ് ചെയ്ത്. പന്നിത്തടം സെന്ററില്‍ പോലീസ് കൈകാണിച്ചിട്ടും
ബൈക്ക് നിര്‍ത്താതെ പോവുകയായിരുന്നു. അറസ്റ്റ് ചെയ്ത യുവാവിനെ പിന്നീട് ജാമ്യത്തില്‍ വിട്ടയച്ചു.

ലോക്ക് ഡൗണ്‍ പ്രഖ്യാപിച്ച സാഹചര്യത്തില്‍ സര്‍ക്കാര്‍ നിര്‍ദേശിച്ച നിയന്ത്രണങ്ങള്‍ ലംഘിച്ച 13 പേര്‍ക്കെതിരേ കൊടുങ്ങല്ലൂര്‍ പോലീസ് കേസെടുത്തു. മൂന്നു കടയുടമസ്ഥര്‍ക്കെതിരേയും 10 ഇരുചക്രവാഹനക്കാര്‍ക്കെതിരേയുമാണ് കേസെടുത്തത്. വ്യാപാര സ്ഥാപനങ്ങള്‍ക്ക് മുന്നില്‍ കൂട്ടം കൂടി നില്‍ക്കുക, വാഹനങ്ങളില്‍ അനാവശ്യമായി കറങ്ങി നടക്കുക എന്നീ കുറ്റങ്ങള്‍ ചുമത്തിയാണ് കേസ്.

ലോക്ക്ഡൗണ്‍ നിലനില്‍ക്കെ അനാവശ്യമായി കറങ്ങിനടന്ന നാലുപേര്‍ക്കെതിരേ മാള പോലീസ് കേസെടുത്തു. ഇവരുടെ ടു വീലറും പിടിച്ചെടുത്തു. മാള സ്വദേശികളായ അന്‍സില്‍, സനീഷ്, ശിവരാമന്‍, ഔസേപ്പ് എന്നിവര്‍ക്കെതിരേയാണ് പോലീസ് നടപടി സ്വീകരിച്ചത്.

ലോക്ക് ഡൗണ്‍ ലംഘനം നടത്തിയ ആറ് കടയുടമകള്‍ക്കെതിരേ കൊടുങ്ങല്ലൂരില്‍ കേസെടുത്തു. കൊറോണ വൈറസിന്റെ വ്യാപനം തടയുന്നതിന്റെ ഭാഗമായി കടകള്‍ക്ക് മുന്നില്‍ ജനങ്ങള്‍ കൂട്ടം കൂടി നിന്നതിനാലാണ് കോട്ടപ്പുറം ചന്തയിലെ എറിയാട് തണ്ടാശ്ശേരി അഷറഫ് (57), കോട്ടപ്പുറം പാലപ്പറില്‍ ജോയി (68), ടി.കെ.എസ്. പുരം ചുള്ളിപറമ്പില്‍ നൗഷാദ് (51), പേബസാര്‍ താണുക്കാരന്‍ അബ്ദുള്‍ അസീസ് (65), അഴിക്കോട് ഭാഗത്തെ പണിക്കശേരി ലിനീഷ് (34), എടവിലങ്ങ് പുത്തന്‍വീട്ടില്‍ അയൂബ് (52 ) എന്നിവര്‍ക്കെതിരെയാണ് കൊടുങ്ങല്ലൂര്‍ പോലീസ് കേസെടുത്തത്.

 

Read more topics: lockdown, thrissur, case register
English summary
lockdown thrissur case register
topbanner

More News from this section

Subscribe by Email