Wednesday October 17th, 2018 - 8:51:am
topbanner
Breaking News

തിത്ത്ലി ചുഴലിക്കാറ്റ് ഒഡീഷ തീരത്തെത്തി; കനത്ത നാശം

JB
 തിത്ത്ലി ചുഴലിക്കാറ്റ് ഒഡീഷ തീരത്തെത്തി; കനത്ത നാശം

ഭുവനേശ്വര്‍: ബംഗാള്‍ ഉള്‍ക്കടലില്‍ രൂപപ്പെട്ട തിത്ത്ലി ചുഴലിക്കാറ്റ് ഒഡീഷ തീരത്തെത്തി. ഒഡീഷയിലെ ഗോപാല്‍പൂരില്‍ 150 കിലോമീറ്റര്‍ വേഗതയില്‍ കാറ്റ് വീശിയതായാണ് റിപ്പോര്‍ട്ട്. സുരക്ഷാ മുന്‍കരുതലായി മൂന്ന് ലക്ഷം പേരെ പ്രദേശത്തുനിന്ന് മാറ്റിപ്പാര്‍പ്പിച്ചിരുന്നു.

165 കിലോമീറ്റര്‍ വരെ വേഗതയില്‍ കാറ്റടിക്കുമെന്ന് കാലാവസ്ഥാ നിരീക്ഷണകേന്ദ്രം മുന്നറിയിപ്പ് നല്‍കിയിരുന്നു. ഒഡീഷയുടെ തീരപ്രദേശത്ത് മരങ്ങളും വൈദ്യുതി പോസ്റ്റുകളും കടപുഴകിയെന്നാണ് റിപ്പോര്‍ട്ട്. പലയിടങ്ങളിലും റോഡ് ഗതാഗതവും താറുമാറായെന്നാണ് റിപ്പോര്‍ട്ടുകള്‍. ഗഞ്ജം, ഗജപതി, പുരി, ഖുര്‍ദ, ജഗദ്സിങ്പൂര്‍ എന്നിവിടങ്ങളില്‍ ശക്തമായ മഴയും പെയ്യുന്നുണ്ട്.

ഒഡീഷയ്ക്ക് പുറമെ ആന്ധ്രാപ്രദേശിലെ തീരപ്രദേശങ്ങളെയും തിത്ത്ലി ചുഴലിക്കാറ്റ് ബാധിച്ചു. ആന്ധ്രാ പ്രദേശിലെ കലിംഗയില്‍ മണിക്കൂറില്‍ 56 കിലോമീറ്ററായിരുന്നു കാറ്റിന്റെ വേഗത. ആന്ധ്രയിലെ ശ്രീകാകുളത്തും ചുഴലിക്കാറ്റ് ബാധിച്ചു. അതേസമയം, ചുഴലിക്കാറ്റ് കര തൊട്ടതോടെ വരും മണിക്കൂറുകളില്‍ ഇത് ദുര്‍ബലമാകും.

 

English summary
cyclone titli landfall damages in odisha
topbanner

More News from this section

Subscribe by Email