Monday September 24th, 2018 - 7:24:am
topbanner

ആധാര്‍-പാന്‍കാര്‍ഡ് ബന്ധിപ്പിക്കലിന് കൂടുതല്‍ സമയം അനുവദിച്ചേക്കുമെന്ന് സൂചന

sadu prakash
ആധാര്‍-പാന്‍കാര്‍ഡ് ബന്ധിപ്പിക്കലിന് കൂടുതല്‍ സമയം അനുവദിച്ചേക്കുമെന്ന് സൂചന

ന്യൂഡല്‍ഹി: ആധാറും പാന്‍കാര്‍ഡും തമ്മില്‍ ബന്ധിപ്പിക്കുന്നതിന് കേന്ദ്രസര്‍ക്കാര്‍ മൂന്ന് മുതല്‍ ആറ് മാസം വരെ സമയം അധികം നല്‍കുമെന്ന് സൂചന. സുപ്രീംകോടതിയില്‍ ഇതുസംബന്ധിച്ച് കേസില്‍ വിധിയെ ആശ്രയിച്ചാവും ഇക്കാര്യത്തില്‍ അന്തിമ തീരുമാനമെടുക്കുക. ഇതിന് ശേഷം മാത്രമേ പാന്‍കാര്‍ഡ് റദ്ദാക്കുന്നതുള്‍പ്പടെയുള്ള നടപടികളുമായി കേന്ദ്രസര്‍ക്കാര്‍ മുന്നോട്ട് പോകുവെന്നാണ് വിവരം. കേന്ദ്രസര്‍ക്കാരിലെ ഉയര്‍ന്ന ഉദ്യോഗസ്ഥനെ ഉദ്ധരിച്ച് ന്യൂസ് 18യാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്. 

നിലവില്‍ ഡിസംബര്‍ 31ന് മുമ്പ് ആധാര്‍ കാര്‍ഡ് പാന്‍കാര്‍ഡുമായി ബന്ധിപ്പിക്കണമെന്നാണ് കേന്ദ്രസര്‍ക്കാര്‍ അറിയിച്ചിരിക്കുന്നത്. ഇതുസംബന്ധിച്ച കേസ് സുപ്രീംകോടതിയുടെ പരിഗണനയിലുമാണ്. ഈ സാഹചര്യത്തില്‍ കാര്‍ഡുകള്‍ തമ്മില്‍ ബന്ധിപ്പിക്കാന്‍ കേന്ദ്രസര്‍ക്കാര്‍ കൂടുതല്‍ സമയം അനുവദിക്കാനാണ് സാധ്യത.

ആദായ നികുതി നിയമത്തിലെ സെക്ഷന്‍ 139 പ്രകാരമാണ് ആധാര്‍ പാന്‍കാര്‍ഡുമായി ബന്ധിപ്പിക്കുന്നത് നിര്‍ബന്ധമാക്കിയത്. കഴിഞ്ഞ ഓഗസ്റ്റ് മാസത്തില്‍ ആധാര്‍ കാര്‍ഡും പാന്‍കാര്‍ഡും തമ്മില്‍ ബന്ധിപ്പിക്കുന്നതിനുള്ള അവസാന തിയതി സര്‍ക്കാര്‍ നീട്ടിയിരുന്നു. വ്യാജ പാന്‍കാര്‍ഡുകള്‍ കണ്ടെത്തുന്നതിനും ബിനാമി ഇടപാടുകള്‍ തടയുന്നതിനുമാണ് ആധാര്‍ കാര്‍ഡും പാന്‍കാര്‍ഡും തമ്മില്‍ ബന്ധിപ്പിക്കുന്നത്.

 

English summary
central may be allotted more time to link aadhar with pan card
topbanner

More News from this section

Subscribe by Email