Wednesday July 24th, 2019 - 5:54:am
topbanner
topbanner

12 പെട്ടി അശ്ലീലചിത്രം നശിപ്പിച്ചു; മാതാപിതാക്കള്‍ക്കെതിരെ 70 ലക്ഷം നഷ്ടപരിഹാരം തേടി മകന്‍

JB
12 പെട്ടി അശ്ലീലചിത്രം നശിപ്പിച്ചു; മാതാപിതാക്കള്‍ക്കെതിരെ 70 ലക്ഷം നഷ്ടപരിഹാരം തേടി മകന്‍

 

മിഷിഗണ്‍: അശ്ലീലചിത്രശേഖരം നശിപ്പിച്ചതിന് മാതാപിതാക്കള്‍ക്കെതിരെ കേസ് നല്‍കി യുവാവ്. അമേരിക്കയിലെ മിഷിഗണിലാണ് സംഭവം. മിഷിഗണില്‍നിന്ന് ഇന്ത്യാനയിലേക്ക് താമസം മാറിയ യുവാവാണ് 70 ലക്ഷം രൂപ നഷ്ടപരിഹാരം ആവശ്യപ്പെട്ട് കഴിഞ്ഞ ആഴ്ച മാതാപിതാക്കള്‍ക്കെതിരെ കേസ് നല്‍കിയത്. തന്റെ കൈവശമുണ്ടായിരുന്ന 12 പെട്ടിയോളം വരുന്ന അശ്ലീലചിത്രശേഖരം നശിപ്പിച്ചതിനാണ് പരാതിയെന്ന് ഫോക്‌സ് 17 റിപ്പോര്‍ട്ട് ചെയ്യുന്നു.

വീട്ടിലെ പ്രശ്‌നത്തെ തുടര്‍ന്ന് 2017 ഓഗസ്റ്റിലാണ് യുവാവ് ഇന്ത്യാനയിലേക്ക് താമസം മാറുന്നത്. എന്നാല്‍ ഇതിനിടയില്‍ ഇയാള്‍ വീട്ടില്‍ ഇല്ലാതിരുന്ന സമയത്ത് മാതാപിതാക്കള്‍ അവിടെയെത്തി, 12 പെട്ടികളിലായി സൂക്ഷിച്ചിരുന്ന അശ്ലീലചിത്രശേഖരം ഉള്‍പ്പടെ ഒട്ടേറെ വസ്തുവകകള്‍ നശിപ്പിച്ചുവെന്നാണ് പരാതിയില്‍ പറയുന്നത്. ഇക്കാര്യം പിന്നീട് മാതാപിതാക്കള്‍ തന്നെ അറിയിച്ചുവെന്നും ചാര്‍ളി പരാതിയില്‍ പറയുന്നു. 28,940.72 ഡോളര്‍ വിലമതിക്കുന്ന അശ്ലീലചിത്രശേഖരമാണ് നശിപ്പിക്കപ്പെട്ടതെന്ന് പരാതിയില്‍ പറയുന്നു. പരാതിയെ തുടര്‍ന്ന് ചാര്‍ളിയുടെ മാതാപിതാക്കള്‍ക്കെതിരെ കേസെടുക്കാന്‍ പ്രോസിക്യൂട്ടര്‍ തീരുമാനിച്ചു. വീട്ടിലുണ്ടായ നഷ്ടത്തിന് 86,822.16(70 ലക്ഷം രൂപ) ഡോളര്‍ നഷ്ടപരിഹാരം വേണമെന്നാണ് ചാര്‍ളി ആവശ്യപ്പെടുന്നത്.

എന്നാല്‍ ലൈംഗിക അരാജകത്വത്തിന് അടിമയാണ് ചാര്‍ളിയെന്നും, മകനെ ജീവിതത്തിലേക്ക് തിരിച്ചുകൊണ്ടുവരാനാണ് ഇത് ചെയ്തതെന്നുമാണ് അയാളുടെ മാതാപിതാക്കള്‍ വിശദീകരിക്കുന്നത്. 20 പെട്ടിയോളം അശ്ലീലചിത്രശേഖരവും രണ്ടു പെട്ടി സെക്‌സ് ടോയ്‌സുമാണ് നശിപ്പിച്ചതെന്നും ഇവര്‍ ഇമെയിലിലൂടെ വ്യക്തമാക്കുന്നു. മകന്റെ മുറിയില്‍ ഒരു കിലോ കൊക്കൈയ്ന്‍ കണ്ടെത്തിയാല്‍ ഒരു അച്ഛന്‍ എന്തു ചെയ്യുമോ അതുതന്നെയാണ് താനും ചെയ്തതെന്ന് ചാര്‍ളിയുടെ പിതാവ് പറയുന്നു.

കുട്ടിക്കാലം മുതല്‍ക്കേ ലൈംഗികാസക്തിയുണ്ടായിരുന്ന ചാര്‍ളി, സ്‌കൂള്‍, കോളേജ് കാലഘട്ടത്തിലാണ് അശ്ലീല വീഡിയോ ശേഖരിക്കാന്‍ തുടങ്ങിയതെന്ന് പിതാവ് പറയുന്നു. ഈ പ്രശ്‌നത്തിന്റെ പേരില്‍ പലതവണ സ്‌കൂളില്‍നിന്നും കോളേജില്‍നിന്നും ചാര്‍ളിയെ പുറത്താക്കിയിട്ടുണ്ട്. വീട്ടില്‍ ഇത് കണ്ടെത്തിയപ്പോള്‍ പലതവണ മുന്നറിയിപ്പ് നല്‍കിയതാണ്. എന്നാല്‍ ഇത് ആവര്‍ത്തിച്ചുകൊണ്ടേയിരുന്നുവെന്നും ചാര്‍ളിയുടെ പിതാവ് പറയുന്നു.

എന്നാല്‍ ഏറെ മൂല്യമുള്ള വീഡിയോശേഖരമാണ് നശിപ്പിക്കപ്പെട്ടതെന്നാണ് ചാര്‍ളി പറയുന്നത്. അധികമാര്‍ക്കും ലഭിക്കാത്ത 20 വര്‍ഷം പഴക്കമുള്ള അശ്ലീലചിത്രങ്ങള്‍ വരെ ശേഖരത്തിലുണ്ടായിരുന്നുവെന്നും ചാര്‍ളി പറയുന്നു.

 

Read more topics: SON MOVE, TO COURT FOR PARENTS,
English summary
SON MOVE TO COURT FOR PARENTS
topbanner

More News from this section

Subscribe by Email