ബെംഗളൂരു സ്ത്രീധനത്തെ പ്രോത്സാഹിപ്പിച്ച് ബെംഗളൂരു കോളേജില്‍ പാഠപുസ്തകം. സ്ത്രീധനം നല്ലതാണെന്നും സൗന്ദര്യക്കുറവുള്ള പെണ്‍കുട്ടികളുടെ വിവാഹം നടക്കാന്‍ അതുപകരിക്കുമെന്നും വിശദീകരിച്ചാണ് ബെംഗളൂരു സെന്റ് ജോസഫ് കോളേജില്‍ പാഠപുസ്തകം പുറത്തിറക്കിയത്.
എതിര്‍ക്കപ്പെടുന്നതാണെങ്കിലും സ്ത്രീധന സമ്പ്രദായത്തെ പിന്തുണക്കുന്നവരുണ്ട് എന്ന് വിശദീകരിച്ചാണ് സ്ത്രീധനം വാങ്ങുന്നതിനെ ന്യായീകരിക്കുന്ന പട്ടിക ആരംഭിക്കുന്നത്. വന്‍തുക നല്‍കിയാല്‍ സൗന്ദര്യമില്ലാത്ത പെണ്‍കുട്ടികള്‍ക്ക് പെട്ടെന്നുതന്നെ വിവാഹം നടക്കും. വിവാഹം കഴിക്കാന്‍ താത്പര്യമില്ലാത്തവരേയും, കാണാന്‍ ആകര്‍ഷകത്വമുള്ളവരേയും വിവാഹം ചെയ്യാന്‍ ഇതുകൊണ്ട് സ്ത്രിക്ക് സാധിക്കും.
കോളേജിലെ ബിഎ വിദ്യാര്‍ഥിയാണ് സ്ത്രീധനത്തിന്റെ മേന്‍മകള്‍ എന്ന തലക്കെട്ടിലുള്ള പാഠഭാഗം ഫേസ്ബുക്കില്‍ പോസ്റ്റ് ചെയ്തത്. താന്‍ പഠിക്കുന്നത് സോഷ്യോളജിയാണെന്നും ക്ലാസിലെ അറുപതോളം വരുന്ന വിദ്യാര്‍ഥികളാരും പുസ്തകത്തിന്റെ ഉള്ളടക്കത്തെ എതിര്‍ത്തില്ലെന്നും വിദ്യാര്‍ഥി പറയുന്നു.
.jpg){kind=logo}
